വിടവാങ്ങല്‍.

ഒരു നാള്‍,
പിന്‍ വിളികള്‍
കേള്‍ക്കാതെ,
മാടി വിളിക്കുന്ന
സാഗരത്തിലേക്കു,
സ്വപ്നങ്ങളെല്ലാം
ചവിട്ടിയരച്ചു,
മോഹങ്ങള്‍ക്കു
പിണ്ഡംവെച്ചു,
നീ നടന്നു
നീങ്ങുമ്പോള്‍,
കാലൊച്ചകളകലുമ്പോള്‍
എന്റെ ഹൃദയം
നിശ്ചലമാകും.

സുഹൃത്തിനൊരു കുറിപ്പു

നീ, അകലെയാണെന്നാകിലും;
ഓര്‍ക്കുന്നു.
നമ്മളൊരുമിച്ചിരുന്നതും,
ഒരേ കാറ്റിനൊപ്പം സഞ്ചരിച്ചതും,
ഒരേ ഓര്‍മ്മകള്‍ പങ്കു വെച്ചതും,
സ്വപ്നങ്ങള്‍
പോലുമൊന്നായിരുന്നതും.

ഇവിടെയേതോയാത്രയില്‍
നമ്മളോന്നിപ്പൂ,
വഴിവീണ ഇതളുകളില്‍,
ഈ യാത്രയില്‍,
ഒരു പക്ഷേ,
ഇനിയും സന്ധിപ്പൂ,
ഏതോ സത്രത്തില്‍,
ഒന്നു ക്ഷീണമകറ്റാന്‍.

ഈ പുസ്തകത്തിലെത്ര താള്‍
നമ്മളൊരുമിച്ചു രചിച്ചു,
മനോഹരം പലതും,
തിരിച്ചു വായിക്കാന്‍
പറ്റാത്തതെന്നു മാത്രം.
കാലത്തിന്റെ അര്‍ത്ഥമില്ലാത്ത
നഷടങ്ങള്‍ക്കു,
ഒരുമിച്ചു കണക്കു
പറഞ്ഞും, ചിരിച്ചും.

ഇനിയും തുടരുമിതു,
ജീവിതാന്ത്യം വരേ,
ഇനിയുമൊന്നിപ്പൂ,
ഇവിടെയല്ലെങ്കില്‍
മറ്റൊരു യാത്രയില്‍.