മഴ

തിമിര്‍ത്തു പെയ്യുന്നു മഴ;
കേള്‍ക്കാമെനിക്കതിന്‍ ഇരമ്പല്‍;
ചിലപോഴെന്തിനോ തേങ്ങി കരയുന്ന പോലെ,
അതുമല്ലെങ്കില്‍ ആര്‍ത്തട്ടഹസിക്കുന്നു;
ഒരോ തുള്ളിയുമൊരു കയ്യായ്‌ വന്നെന്നെ,
പൊതിയുന്ന പോലെ!!,
കുടയെ വലിച്ചെടുത്തെട്ടഹസിക്കുന്നു,
മെല്ലെയെന്‍ കാല്‍പിന്നോട്ടെടുക്കവെ,
അഴുക്കിലെക്കൊഴുകുന്നു ഞാന്‍,
തിരിഞ്ഞു മുന്നൊട്ടു നീങ്ങവെ,
കലങ്ങിയൊഴുകുന്നൂ പുഴ മുന്നില്‍.
നീ മുടികെട്ടഴിച്ചാഞ്ഞടിക്കുന്നതു പോലെ,
അതോ പുലമ്പുന്നുവോ,
ആവില്ല പൊട്ടിചിരിക്കയാവാം,
ഓടിയൊളിക്കാന്‍ തോന്നിയെനിക്കു,
എവിടെക്കന്നറിയില്ല,
ഓടികേറിഞ്ഞാനെന്‍ കൂടാരത്തില്‍,
തള്ളിയടച്ചു ഞാനതില്‍ വാതില്‍ പാളി,
രണ്ടു തുള്ളിയെന്റെ കണ്ണില്‍ വീണു,
മെല്ലെ വീടിന്റെ മൂലയിലെക്കോടി ഞാന്‍,
ഇപ്പോഴും കേള്‍ക്കമെനിക്കിരമ്പുന്ന മഴ;
ഞാനെന്റെ ചെവി പൊത്തി പിടിച്ചിരുന്നു.
വേണ്ട, എനിക്കാ മഴയില്‍ കുതിര്‍ന്നു നനയണം,
ഞാനും ഒഴുകണമാ പുഴപോലെ,
എന്നിട്ടെന്‍ ഒര്‍മകളും, അതിലൂടൊഴുകണം.
അഴുക്കു ചാലില്‍ തീര്‍ത്ത ഭാണ്ഡം പോലെ..!!