നീ

ഞാന്‍ തിരയുന്ന മനസ്സില്‍
ഒരു വേള നീ ഉണര്‍ന്നുവെങ്കില്‍,
എവിടെയോ ഒഴുകുന്ന മനസ്സില്‍
നിന്‍ താളങ്ങള്‍ മാത്രം.
മറക്കാന്‍ ശ്രമിച്ചിട്ടുമെന്തോ
സുഖമുള്ള നോവായ്‌ അലയുന്നു നീ.
ഒഴുകുന്ന ഓളങ്ങളില്‍ മിന്നി
മറയുന്നതോ നിന്‍ മുഖം;
ചില്ലു ജാലകം തുറന്നാല്‍,
തിമിര്‍ത്തു പെയ്യുന്ന മഴയില്‍
ഒരു കാറ്റായ്‌ നീ പറന്നകലുന്നു;
നടന്നു നീങ്ങുമ്പോല്‍ ഒരു വേള
ഇലയായ്‌ വന്നെന്‍ കയ്യില്‍
തൊട്ടകലുന്നു നീ;
തിങ്ങി നിറഞ്ഞ ട്രാഫിക്കിലും
നിന്‍ മുഖം പാതി വന്നു മറഞ്ഞ പോലെ;
തിരയായി ഒഴുകുന്ന ഓളങ്ങളില്‍
നീ ഓടി കളിക്കുന്നുവോ,
ഓടിയടുക്കുന്നു, പിന്നെയകലുന്നു,
പിന്നെയ്മൊരു കാറ്റായി നിശ്വസിക്കുന്നു;
മെല്ലെ തിരിഞ്ഞു നടക്കവെ,
ഒരു കാറ്റായ്‌ ചൂളം വിളിക്കുന്നു.
തിരിയവെ, തഴുകി അകലുന്നു;
നേര്‍ത്ത കാറ്റായി മെല്ലെ ശാന്തമാകുന്നു;
മെല്ലെയടെച്ചെന്‍ കണ്ണുകള്‍ ഞാന്‍;
എന്‍ ഓര്‍മയിലെക്കൊഴുകി,
അവിടെയുമൊഴുകുന്നൊരു സ്വപ്നമായ്‌ നീ;